18 ნოემბერს, 17:00 საათზე, ილიას სახელმწიფო უნივერსიტეტის ანთროპოლოგიის კვლევითი ცენტრისა და ანთროპოლოგიის დოქტორანტურის პროგრამის ორგანიზებით თბილისის სახელმწიფო უნივერსიტეტის დოქტორანტი ირაკლი ფიფია წაიკითხავს ლექციას „საბჭოთა ეპოქის გმირების დემონტაჟი საქართველოს სოფლებში“.

მომხსენებელი  ისაუბრებს წინანდლის ალექსანდრე ჭავჭავაძის სახლ-მუზეუმზე. მუზეუმი 1946 წელს  გაიხსნა და  საბჭოთა იდეოლოგიის ძლიერი გავლენით წარმოადგენდა „ქართველი და რუსი ხალხის მეგობრობის“ სიმბოლოს.  2006 წელს  მუზეუმი გადაეცა კერძო მმართველს, რომელიც XIX საუკუნის დიდგვაროვანის ახალი იდენტობის შექმნას შეეცადა. ირაკლი ფიფია ნაშრომში აჩვენებს, რა ცვლილება განიცადა და რა დარჩა XIX, XX და XXI საუკუნეების იდენტობებიდან. ნაშრომი ეფუძნება როგორც მუზეუმში, ასევე სოფელში ჩატარებულ კვლევას. საბჭოთა იდეოლოგიისა და პროპაგანდის დეკონსტრუქციას გადმოცემებსა და მითებში.

მომხსენებლის შესახებ

თბილისის სახელმწიფო უნივერსიტეტის დოქტორანტ ირაკლი ფიფიას სადოქტორო კვლევა ეხება კულტურული და მოქალაქეობრივი იდენტობის ჩამოყალიბებას პოსტსაბჭოთა საქართველოში, სოფელ წინანდალში. 2008 წლიდან ის არის ალექსანდრე ჭავჭავაძის სახლ-მუზეუმის თანამშრომელი, ასევე მოწვეული ლექტორი თბილისის სახელმწიფო სამედიცინო უნივერსიტეტში, კენ უოკერის საერთაშორისო უნივერსიტეტსა და საქართველოს ტექნიკურ უნივერსიტეტში.

სამუშაო ენა ენები: ქართული/ინგლისური

დრო: 18 ნოემბერი, 17:00 საათი

ადგილმდებარეობა: ილიას სახელმწიფო უნივერსიტეტის S507 აუდიტორია, გ. წერეთელის ქ. N3

დასწრება თავისუფალია.

2025