ილიას სახელმწიფო უნივერსიტეტის სოციალური და კულტურული ანთროპოლოგიის სადოქტორო პროგრამის დოქტორანტმა მარიამ შალვაშვილმა Routledge-ის საერთაშორისო სახელმძღვანელოში Handbook of Queer Death Studies გამოაქვეყნა სტატია „ცხოვრება მიცვალებულებთან: გლოვის პოლიტიკა და დისკურსები ნაციონალიზმსა და მოდერნულობაზე საქართველოში“.

ავტორი ეხება სამეგრელოში გლოვის  პრაქტიკას. სკეპტიკურად განიხილავს თანამედროვე, მედიკალიზებული გლოვისა და სიკვდილის გაგებას და ისეთ მკაცრ და ნორმატიულ ბინარულობებს, როგორებიცაა: მკვდარი/ცოცხალი, პასიური/აქტიური, არყოფნა/ყოფნა, წარსული/აწმყო და მატერიალური/არამატერიალური. სტატიაში გლოვა განხილულია გენდერთან დაკავშირებული მოლოდინის ჭრილშიც. ტექსტში ჩანს, რომ დისკუსიები სამეგრელოში გლოვის პრაქტიკის შესახებ ააშკარავებს შფოთვას ქართული ნაციონალიზმის, მოდერნულობისა და ამ წარმოსახვებში მეგრელების ადგილის შესახებ.

დამატებითი ინფორმაციისთვის იხილეთ: https://www.routledge.com/Routledge-International-Handbook-of-Queer-Death-Studies/Lykke-Mehrabi-Radomska/p/book/9781032504384