2023 წელს სოციალური და კულტურული ანთროპოლოგიის სადოქტორო პროგრამის ინიცირებით ერაზმუს+ საერთაშორისო კრედიტმობილობის (Erasmus+ International Credit Mobility) პროგრამის ფარგლებში დაფინანსდა ილიას სახელმწიფო უნივერსიტეტის თანამშრომლობა
- მალმოს უნივერსიტეტთან (შვედეთი), რომელიც უმასპინძლებს ილიას სახელმწიფო უნივერსიტეტის სოციალური და კულტურული ანთროპოლოგიის სადოქტორო პროგრამის სტუდენტებს;
- ცენტრალური ევროპის უნივერსიტეტთან (ავსტრია), სადაც ილიას სახელმწიფო უნივერსიტეტის სამაგისტრო საფეხურის სტუდენტებისთვის დაგეგმილია მობილობა სხვადასხვა აკადემიური მიმართულებით.
პროგრამა ასევე გულისხმობს აკადემიური პერსონალის ორმხრივ მობილობას ილიას სახელმწიფო უნივერსიტეტსა და ზემოთ ჩამოთვლილ ევროპულ უნივერსიტეტებს შორის.
საერთაშორისო მობილობით დაინტერესებული სტუდენტებისთვის ილიას სახელმწიფო უნივერსიტეტში კონკურსი ცხადდება წელიწადში ორჯერ, ოქტომბერსა და თებერვალში. კონკურსის შესახებ ინფორმაციის, ისევე როგორც პარტნიორი ევროპული უნივერსიტეტების სრული ჩამონათვალის, გაცნობა შესაძლებელია ილიაუნის ვებგვერდზე.
საკონტაქტო ინფორმაცია გაცვლით პროგრამებში მონაწილეობით დაინტერესებული სტუდენტებისა და პერსონალისთვის:
საერთაშორისო ურთიერთობების სამსახური
+995 322 220009 (367)
ქ. ჩოლოყაშვილის გამზ. N3/5, ოთახი E120